• Search for:
    8Oct, 2022
    ആദരിച്ചു

    ബിജു മാവേലിക്കര : ഉപസഭ കുടുംബസംഗമത്തിൽ പഠന ക്ലാസ് നയിച്ച ശ്രീ ബിജു മാവേലിക്കരയ്ക്ക് യോഗക്ഷേമസഭ ആറ്റിങ്ങൽ ഉപസഭയുടെ ആദരവ്

    രാജേഷ് കുമാർ കിഴക്കില്ലം : കലാഭവൻമണി സേവാസമിതിയിലൂടെ അശരണർക്കും ആരോരുമില്ലാത്തവർക്കും വേണ്ടി നടത്തുന്ന ലാഭേച്ഛയില്ലാത്ത പ്രവർത്തനങ്ങൾക്ക് ഉപസഭ അംഗം രാജേഷ് കുമാറിന് ഉപസഭയുടെ ആദരവ്.

    ജയകൃഷ്ണൻ നമ്പൂതിരി: തിരുവല്ലം പരശുരാമ ക്ഷേത്രത്തിലെ മേൽശാന്തി ആയി ചുമതലയേറ്റ ഉപസഭ അംഗം ജയകൃഷ്ണൻ നമ്പൂതിരിക്ക് ഉപസഭയുടെ ആദരവ്.

    ഹരികുമാർ ഭട്ടതിരി: രക്തദാന (31 തവണ), സാമൂഹിക സേവനം, ആചാരാനുഷ്ഠാനങ്ങൾ ലോഭമില്ലാതെ ആചരിക്കൽ തുടങ്ങിയ പ്രവർത്തനങ്ങൾക്ക് ഉപസഭ അംഗം ഹരികുമാർ ഭട്ടതിരിരിക്ക് ഉപസഭയുടെ ആദരവ്.

    അപർണ ശർമ ഇ ജെ: ഗുരു ഗോപിനാഥ്‌ നടനഗ്രാമം ഏർപ്പെടുത്തിയ പ്രഥമ കേരള നടനം പഠനഗവേഷണ ഫെലോഷിപ്പിന് അർഹയായ ഉപസഭ അംഗം അപർണ ശർമയ്ക്ക് ഉപസഭയുടെ ആദരവ്.

    8Oct, 2022
    ആറ്റിങ്ങൽ ഉപസഭയുടെ കുടുംബസംഗമം

    യോഗക്ഷേമസഭ ആറ്റിങ്ങൽ ഉപസഭയുടെ ഒക്ടോബർ മാസത്തിലെ കുടുംബസംഗമം ഇന്ന് (8.10.2022) ഉപസഭ മന്ദിരത്തിൽ വെച്ച് നടന്നു. ഉപസഭ പ്രസിഡന്റ് ഡോ. മാധവൻ നമ്പൂതിരി ഭദ്രദീപം തെളിയിച്ച് ഉദ്ഘാടനം ചെയ്തു.

    നാഷണൽ ഇൻസ്റ്റിറ്റ്യൂട്ട് ഫോർ ട്രെയിനിങ് ആൻഡ് എഡ്യൂക്കേഷണൽ റിസർച്ചിന്റെ സംസ്ഥാന തല ട്രെയിനർ ശ്രീ ബിജു മാവേലിക്കര പഠന ക്ലാസ് നയിച്ചു.

    1Oct, 2022
    ഉപസഭ നിർവാഹകസമിതി യോഗം ചേർന്നു

    യോഗക്ഷേമസഭ ആറ്റിങ്ങൽ ഉപസഭയുടെ നിർവാഹകസമിതി യോഗം ഉപസഭ മന്ദിരത്തിൽ വെച്ച് 30.09.2022 നു രാത്രി ചേർന്നു. ഉപസഭ കുടുംബസംഗമം, മേഖല യോഗങ്ങൾ തുടങ്ങിയ വിവിധ വിഷയങ്ങളിൽ യോഗം ചർച്ച ചെയ്തു.

    9Sep, 2022
    പൊതിച്ചോറ് വിതരണം ചെയ്തു

    സാന്ത്വന കിരണം എന്ന സംഘടനയുടെ “ഓണം ബമ്പർ” പൊതിച്ചോറ് വിതരണ പ്രവർത്തനത്തിൽ പങ്കുചേർന്ന് യോഗക്ഷേമസഭ ആറ്റിങ്ങൽ ഉപസഭ. പ്രവർത്തനത്തിന്റെ ഭാഗമായി സാന്ത്വന കിരണം ടീമിൽ നിന്ന് വാങ്ങിയ 60 പൊതിച്ചോറുകൾ ആറ്റിങ്ങൽ ഉപസഭ പരിധിയിൽ പെടുന്ന കലാഭവൻ മണി സേവന സമിതിയുടെ മണി ദേവാലയം വൃദ്ധസദനത്തിലും വലിയകുന്ന് ഗവർണമെന്റ് ആശുപത്രിയിലുമായി വിതരണം ചെയ്തു. ഉപസഭ സെക്രട്ടറി ശ്രീ രാജേഷ് കിഴക്കില്ലം, ഉപസഭ യുവജനസഭ സെക്രട്ടറി ശ്രീ അഭിജിത് എന്നിവരുടെ നേതൃത്വത്തിൽ ആണ് പൊതിച്ചോറ് വിതരണം നടന്നത്. ഉപസഭ അംഗങ്ങളായ ശ്രീമതി ഭാഗ്യ രാജേഷ്‌കുമാർ, ശ്രീ പ്രസാദ് വട്ടപ്പറമ്പ് എന്നിവരും പങ്കെടുത്തു.

    8Sep, 2022
    ഓണക്കോടി

    യോഗക്ഷേമസഭ ആറ്റിങ്ങൽ ഉപസഭ, പ്രതീക്ഷ ചാരിറ്റബിൾ സൊസൈറ്റി, നാഷണൽ ഇൻസ്റ്റിറ്റ്യൂട്ട് ഫോർ ട്രെയിനിങ് ആൻഡ് എഡ്യൂക്കേഷണൽ റിസർച്ച് എന്നിവർ സംയുക്തമായി കഠിനംകുളം ഭാഗത്തെ എമ്പത്തെട്ടോളം വയോധികർക്ക് ഓണക്കോടി വിതരണം ചെയ്യുകയാണ്. ഇന്നലെയും നിന്നുമായി നടന്ന ചടങ്ങുകളിൽ 58 പേർക്ക് ഓണക്കോടി വിതരണം ചെയ്തു.

    ഇന്ന് കഠിനംകുളം മഹാദേവക്ഷേത്രത്തിന് സമീപം നടന്ന ചടങ്ങ് കദിനംകുളം എസ്.ഐ സുധീഷ് ഉത്ഘാടനം ചെയ്തു. ഉപസഭ സെക്രട്ടറി ശ്രീ രാജേഷ് കിഴക്കില്ലം, ഉപസഭ യുവജനസഭ പ്രസിഡന്റ് നാരായണൻ പോറ്റി, ജില്ലാ യുവജനസഭ സെക്രട്ടറിയും ഉപസഭ നിർവ്വാഹക സമിതി അംഗമായ പ്രസാദ് വട്ടപ്പറമ്പ്, അശ്വതി വട്ടപ്പറമ്പ്, ജഗത് നാരായണൻ, ഭഗത് സുബ്രഹ്മണ്യൻ എന്നിവരും ചടങ്ങിൽ പങ്കെടുത്തു.

    അടുത്ത ഘട്ടത്തിൽ കിടപ്പ് രോഗികളായവർക്ക് വീടുകളിൽ എത്തി ഓണക്കോടി നൽകുന്നതിനായി സഭ അംഗങ്ങളിൽ നിന്നും ശേഖരിച്ച കോടി വസ്ത്രങ്ങൾ ശ്രീ സുജിത് എഡ്വിൻ പെരേരയ്ക്ക് കൈമാറി.

    4Sep, 2022
    ആദരിച്ചു

    തൃശ്ശൂർ ജില്ലയിലെ കൂർക്കഞ്ചേരി ഉപസഭയിലെ മുണ്ടാരപ്പള്ളി ഇല്ലത്തെ ജഗൻ നാഥൻ ഓൾ കേരളാ സൈക്കിൾ റൈഡ് ആരംഭിച്ച് കാസർകോഡ് മുതൽ തിരുവനന്തപുരം വരെയുള്ള യാത്രയിൽ ഇന്ന്(4/9/2022, ഞായറാഴ്ച്ച) ഉച്ചയ്ക്ക് 3 മണിയോടു കൂടി ആറ്റിങ്ങൽ എത്തിചേർന്നു. അദ്ദേഹത്തെ അറ്റിങ്ങൽ ഉപസഭയുടയും യുവജന സഭയുടെയും വനിതാ സഭയുടെയും നേതൃത്വത്തിൽ സെക്രട്ടറിയുടെ ഭവനത്തിൽ വച്ച് പൊന്നാടയും, ഓണക്കോടിയും, ഓണ കൈനീട്ടവും, ഓണസദ്യയും നൽകി ആദരിച്ചു.

    15Aug, 2022
    സ്വാതന്ത്രദിനം ആഘോഷിച്ചു

    യോഗക്ഷേമസഭ ആറ്റിങ്ങൽ ഉപസഭയുടെ ‘ആഭിമുഖ്യത്തിൽ ഇന്ത്യയുടെ 75 ആം സ്വാതന്ത്രദിനം ഉപസഭാ മന്ദിരത്തിൽ വച്ച് പ്രസിഡൻറ് മാധവൻ നമ്പൂതിരിയും വൈ: പ്രസിഡൻ്റ് നാരായണൻ നമ്പൂതിയും സെക്രട്ടറി രാജേഷ് കിഴക്കില്ലവും പതാക ഉയർത്തി സമുചിതമായി ആഘോഷിച്ചു.

    9Aug, 2022
    നാലമ്പല ദർശന യാത്ര

    യോഗക്ഷേമസഭ ആറ്റിങ്ങൽ ഉപസഭയുടെ രാമായണ മാസാചരണത്തിന്റെ ഭാഗമായി നടന്ന നാലമ്പല ദർശന യാത്ര. കോട്ടയം ജില്ലയിലെ രാമപുരം ശ്രീരാമസ്വാമി ക്ഷേത്രം, അമനകര ഭരതസ്വാമി ക്ഷേത്രം, കൂടപ്പുലം ലക്ഷ്മണസ്വാമി ക്ഷേത്രം, മേതിരി ശത്രുഘ്നസ്വാമി ക്ഷേത്രം എന്നിവിടങ്ങളിൽ ആണ് ആഗസ്ത് 13 നു ദർശനം നടത്തിയത്.

    9Jul, 2022
    ആശയവിനിമയം; സംഘടനയിലും കുടുംബത്തിലും

    യോഗക്ഷേമസഭ ആറ്റിങ്ങൽ ഉപസഭയുടെ കുടുബസംഗമം ഉപസഭ മന്ദിരത്തിൽ വെച്ച് ചേർന്നു. ഉപസഭ പ്രസിഡന്റ് ശ്രീ മാധവൻ നമ്പൂതിരി, സെക്രട്ടറി ശ്രീ രാജേഷ് എന്നിവർ ചേർന്ന് ഭദ്രദീപം തെളിയിച്ചു. NaITER-ന്റെ സ്ഥാപക നേതാവും, ഡിറക്ടറും, ലൈഫ് ഫെസിലിറ്റേറ്ററുമായ ശ്രീ സുജിത് എഡ്വിൻ പെരേര “ആശയവിനിമയം; സംഘടനയിലും കുടുംബത്തിലും” എന്ന വിഷയത്തിൽ ക്ലാസ്സ് കൈകാര്യം ചെയ്തു. കളികളിലൂടെയും ഗ്രൂപ്പ് പ്രവർത്തനങ്ങളിലൂടെയും പറയേണ്ട കാര്യങ്ങൾ കൃത്യതയോടെയും വ്യക്തതയോടെയും സഭാംഗങ്ങളിലേക്ക് എത്തിക്കാൻ അദ്ദേഹത്തിന് കഴിഞ്ഞു. ഉപസഭ പ്രസിഡന്റ് ശ്രീ മാധവൻ നമ്പൂതിരി, സെക്രട്ടറി ശ്രീ രാജേഷ് എന്നിവർ ചേർന്ന് അദ്ദേഹത്തെ ആദരിച്ചു.

    25Jun, 2022
    സത്യപ്രതിജ്ഞ

    ഉപസഭയുടെ പുതിയ ഭാരവാഹികളുടെ സത്യപ്രതിജ്ഞ ചടങ്ങ് ഇന്ന് ഉപസഭ മന്ദിരത്തിൽ വെച്ച് നടന്നു. കോവിഡ് മഹാമാരിക്ക് ശേഷം ഉപസഭ പ്രവർത്തനം ഉയരങ്ങളിലേക്ക് എത്തിക്കാൻ ഇവർക്ക് സാധിക്കട്ടെ…

    View Images
    Bearers