യോഗക്ഷേമസഭ ആറ്റിങ്ങൽ ഉപസഭ, ശ്രീ ശങ്കര ട്രസ്റ്റ്, നാഷണൽ ഇൻസ്റ്റിറ്റ്യൂട്ട് ഫോർ ട്രെയിനിങ് ആൻഡ് എഡ്യൂക്കേഷണൽ റിസർച്ച് എന്നിവർ സംയുക്തമായി സംഘടിപ്പിച്ച അവധിക്കാല ബാലജനസഭ ക്യാമ്പ് “തുമ്പപ്പൂവ് 2023” ൻറെ ഉദ്ഘാടന ചടങ്ങ് 2023 ഏപ്രിൽ 28ന് രാവിലെ 9.30 യോടെ ഭദ്രദീപം തെളിയിച്ചുകൊണ്ട് ആരംഭിച്ചു. ശങ്കര ട്രസ്റ്റ് സൗത്ത് സോൺ ചെയർമാൻ ശ്രീ കെ. കേശവൻ പോറ്റി ചടങ്ങിന് അധ്യക്ഷത വഹിച്ചു. ക്യാമ്പ് കോ-ഓർഡിനേറ്റർ ശ്രീ പ്രസാദ് വട്ടപ്പറമ്പ് സ്വാഗതപ്രഭാഷണം നടത്തി. യോഗക്ഷേമസഭ മുൻ ജനറൽ സെക്രട്ടറി ശ്രീ സുബ്രഹ്മണ്യൻ നമ്പൂതിരി ക്യാമ്പ് ഉദ്ഘാടനം ചെയ്തു. ഉപസഭ പ്രസിഡന്റ് ഡോ. മാധവൻ നമ്പൂതിരി മുഖ്യ പ്രഭാഷണം നടത്തി. തുമ്പപ്പൂവ് ക്യാമ്പിന്റെ തുടക്കം മുതലുള്ള ചരിത്രം അദ്ദേഹം ചുരുക്കി പറഞ്ഞു.

യോഗക്ഷേമസഭ തിരുവനന്തപുരം ജില്ല ജോ.സെക്രട്ടറി ശ്രീമതി സരസ്വതി എസ്, ശ്രീ ശങ്കര ട്രസ്റ്റ് സൗത്ത് സോൺ അഡ്മിനിസ്‌ട്രേറ്റീവ് ഓഫീസർ ശ്രീ വാമനൻ നമ്പൂതിരി, കിളിമാന്നൂർ ഉപസഭ പ്രസിഡന്റ് എസ് കൃഷ്ണൻ പോറ്റി, ശ്രീ ശങ്കര ട്രസ്റ്റ് പ്രതിനിധി ശ്രീ ബിജുകുമാർ എൻ.ഐ, ആറ്റിങ്ങൽ ഉപസഭ സെക്രട്ടറി ശ്രീ രാജേഷ് കിഴക്കില്ലം, ആറ്റിങ്ങൽ ഉപസഭ പ്രസിഡന്റ് ശ്രീ നാരായണൻ നമ്പൂതിരി എന്നിവർ ആശംസകൾ നേർന്ന് സംസാരിച്ചു. ആറ്റിങ്ങൽ ഉപസഭ വനിതാസഭ പ്രസിഡന്റ് ശ്രീമതി മായാദേവി കൃതജ്ഞത അറിയിച്ചു.