സംഭാവന കൈമാറി
തിരുവനന്തപുരം ജില്ലാ സഭയുടെ ആസ്ഥാന മന്ദിര നിർമ്മാണഫണ്ടിലേക്ക് ഉപസഭയുടെ സംഭാവന പൊതുയോഗത്തിൽ വെച്ച് കൈമാറി. ജില്ലാ സെക്രട്ടറിയും ഉൽസഭ അംഗവുമായ ശ്രീ ജയകൃഷ്ണൻ നാരായണൻ ചെക്ക് ഉപസഭ പ്രസിഡന്റ് ശ്രീ നാരായണൻ നമ്പൂതിരി, ട്രഷറർ ശ്രീ പ്രദീപ് വി.എസ് എന്നിവരിൽ നിന്ന് ഏറ്റുവാങ്ങി…
ആടാം പാടാം കളിയാടാം : ഉപസഭ കുടുംബസംഗമം നടന്നു.
യോഗക്ഷേമസഭ ആറ്റിങ്ങൽ ഉപസഭയുടെ ഏപ്രിൽ മാസത്തിലെ കുടുംബസംഗമം ഇന്ന് ഉപസഭ മന്ദിരത്തിൽ വെച്ച് നടന്നു. ഉപസഭ പ്രസിഡന്റ് ശ്രീ നാരായണൻ നമ്പൂതിരി അധ്യക്ഷത വഹിച്ചു. സെക്രട്ടറി യോഗത്തിന് സ്വാഗത പ്രഭാഷണം നടത്തി. പ്രസിഡന്റ് നാരായണൻ നമ്പൂതിരി, മുഖ്യ അതിഥി ശ്രീ ബിജു മാവേലിക്കര എന്നിവർ ഭദ്രദീപം തെളിയിച്ചു.
രാവിലെ 11 മണിമുതൽ ശ്രീ ബിജു മാവേലിക്കര (Infotainment Social Trainer, NaITER) നയിച്ച ട്രെയിനിങ് സെഷൻ നടന്നു. പങ്കെടുത്ത ഓരോരുത്തർക്കും പ്രയാബേധമില്ലാതെ ആസ്വദിക്കാൻ കഴിയുന്ന തരത്തിൽ കളികളിലൂടെയും കവിതകളിലൂടെയും പ്രവർത്തനങ്ങളിലൂടെയും നീങ്ങിയ സെഷൻ 3 മണിക്കൂറിലധികം നീണ്ടുനിന്നു. ജില്ലാ സെക്രട്ടറി ശ്രീ ജയകൃഷ്ണൻ ശ്രീ ബിജു മാവിളിക്കരയ്ക്ക് ഉപസഭയുടെ സ്നേഹോപഹാരം കൈമാറി.
ആതുര ശുശ്രൂഷാ സഹായം വിതരണം ചെയ്തു
ആറ്റിങ്ങൽ ഉപസഭയുടെ ആതുര ശുശ്രൂഷാ സഹായം വിതരണം ചെയ്തു.
1. ഹൃദയ സംബന്ധമായേ ക്ലേശങ്ങൾ കാരണം ചികിത്സയിലായിരുന്ന ആറ്റിങ്ങൽ ഉപസഭാംഗം വാരണക്കോട് കൃഷ്ണൻ നമ്പൂതിരിക്ക് ഉപസഭ പ്രസിഡന്റ് താഴെ മഠം നാരായണൻ നമ്പൂതിരി, ഉപസഭയുടെ മുൻ പ്രസിഡന്റ് Prof.ചന്ദ്രമന മാധവൻ നമ്പൂതിരി എന്നിവർ ചേർന്നാണ് തുക കൈമാറിയത്.
2. ഒറ്റൂർ കരവൻമഠത്തിൽ ചന്ദ്രമതി അന്തർജ്ജനത്തിന് ഉപസഭ സെക്രട്ടറി പ്രസാദ് വട്ടപ്പറമ്പ് ആതുരശുശ്രൂഷാനിധി കൈമാറി
സ്മാർട്ട് ഫോൺ
കഠിനംകുളം ഭാഗത്ത് കോവിഡ് പ്രവർത്തനവുമായി മുന്നോട്ട് പോകുകയാണ് ” കഠിനംകുളം കോവിഡ് ടാസ്ക് ഫോഴ്സ്” എന്ന കൂട്ടായ്മ. ഈ അധ്യായന വർഷത്തെ ഓൺലൈൻ ക്ലാസുകൾ ആരംഭിച്ചതോടെ മുപ്പത്തിയഞ്ചോളം കുട്ടികളിൽ നിന്നും സ്മാർട്ട് ഫോണിനായുള്ള അപേക്ഷ കഠിനംകുളം ഭാഗത്ത് നിന്ന് മാത്രമായി അവർക്ക് ലഭിച്ചു. ലഭിച്ച അപേക്ഷകൾ പരിശോധിച്ച് (അവരുടെ വീടുകളിൽ നേരിട്ടെത്തി സ്ഥിതി കണ്ടു മനസ്സിലാക്കിയശേഷം) 9 പേരെ ആദ്യ ഘട്ടത്തിൽ തിരഞ്ഞെടുത്തു.
ഇവർക്കുള്ള സ്മാർട്ട് ഫോൺ കണ്ടെത്തുന്നതിനായി ഫണ്ട് കണ്ടെത്തുന്നതിനിടെയാണ് കഠിനംകുളം കോവിഡ് ടാസ്ക് ഫോഴ്സിന് നേതൃത്വം നൽകുന്ന സുജിത്ത് സർ യോഗക്ഷേമസഭയോടും ഈ കാര്യം അറിയിക്കുന്നത്. കഴിഞ്ഞ ദിവസം നടന്ന നിർവാഹകസമിതി യോഗം എടുത്ത തീരുമാനപ്രകാരം അതിൽ ഒരു കുട്ടി ക്ക് പഠിക്കുന്നതിന് ആവശ്യമായ സ്മാർട്ട് ഫോൺ വാങ്ങി നൽകുവാൻ യോഗക്ഷേമസഭ ആറ്റിങ്ങൽ ഉപസഭയ്ക്ക് കഴിഞ്ഞു.
കഴിഞ്ഞ ദിവസം കുട്ടിയുടെ രക്ഷിതാവ് സ്കൂൾ അധികൃതരുടെ സാന്നിധ്യത്തിൽ സ്മാർട്ട് ഫോൺ ഏറ്റുവാങ്ങി. കോവിഡ് അടങ്ങാതെ തുടരുമ്പോൾ പരസ്പരം കരുതലായും താങ്ങായും തണലായും നമുക്ക് ഒറ്റക്കെട്ടായി നേരിടാം ഈ മഹാമാരിയെ…
ലോകാഃ സമസ്താഃ സുഖിനോ ഭവന്തു
ഡയപ്പർ എത്തിച്ചു നൽകി
കഠിനംകുളം ഭാഗത്ത് അവശത അനുഭവിക്കുന്ന ഏതാനും കിടപ്പ് രോഗികൾക്ക് യോഗക്ഷേമസഭ ആറ്റിങ്ങൽ ഉപസഭ ഡയപ്പർ എത്തിച്ചു നൽകി. കഠിനംകുളം ഭാഗത്ത് കോവിഡ് രോഗികൾക്ക് സഹായ ഹസ്തവുമായി പ്രവർത്തിച്ചുവരുന്ന നെഹ്റു യുവ കേന്ദ്രം കോവിഡ് ടാസ്ക് ഫോഴ്സ് വഴിയാണ് ആവശ്യക്കാരിലേക്ക് ആറ് കവർ ഡയപ്പർ എത്തിക്കാൻ കഴിഞ്ഞത്.
ഡയപ്പർ വാങ്ങി നൽകി
തിരുവനന്തപുരം ജനറൽ ഹോസ്പിറ്റലിലെ ഒമ്പതാം വാർഡിൽ കഴിയുന്ന അശരണരായ കിടപ്പുരോഗികൾക്ക് ഡയപ്പർ വാങ്ങി നൽകി യോഗക്ഷേമസഭ ആറ്റിങ്ങൽ ഉപസഭ. ഇത്തരത്തിൽ ഒരു ആവശ്യം അറിയിച്ച് 24 മണിക്കൂറിനുള്ളിൽ കേരളത്തിന്റെ വിവിധ ഭാഗങ്ങളിൽ നിന്നും സഭാംഗങ്ങൾ സഹായം എത്തിച്ചു. അതിനോടൊപ്പം പ്രതീക്ഷ ചാരിറ്റബിൾ സൊസൈറ്റിയുടെയും സഹായം ലഭിച്ചു.
ഏവർക്കും നന്ദി…